Serbiya prezidenti Aleksandr Vuçiç ölüm hökmünün qaytarılması üçün mübarizə aparacağını bildirib.
"Operativ Məlumat Mərkəzi-OMM" xəbər verir ki, prezident bu barədə RTS telekanalına müsahibə verib.
"Mən Avropada və bütün dünyada siyasi mübarizə aparacağam, çünki Belqrad, Malo Orasia və Dubonada baş verənlərə görə başqa cəza yoxdur. Siz canavarı öldürə bilməzsiniz. 13 və ya 14 yaşındadır, amma bu işdə əməyi olan hər kəs ən ağır cəzanı çəkməlidir. Nə qədər ki, mən prezidentəm, bütün səlahiyyətimlə, var gücümlə mübarizə aparacağam ki, onlar ən yüksək cəzanı alsınlar və bir vətəndaş kimi bu barədə hər yerdə danışacağam”, - deyəVuçiç bildirib.
Qeyd edək ki, mayın 3-də Belqradın mərkəzindəki məktəbdə yeniyetmə həmyaşıdlarına atəş açıb. Nəticədə 9 nəfər ölüb. Serbiya mətbuatının məlumatına görə, 13 yaşlı yeniyetmə iki tapança və “Molotov kokteyli” ilə təhsil müəssisəsinə gəlib. Həmin şəxs psixiatriya xəstəxanasına yerləşdirilib.
