“Serbiya zorakılığa qarşı” müxalifət koalisiyasına bağlı “Borba” tələbə təşkilatının tərəfdarları əvvəllər elan edilmiş 24-cü tədbir çərçivəsində Serbiya Xarici İşlər Nazirliyi və Dövlət İdarəçilik Nazirliyinin binalarının yaxınlığındakı kəsişmələrdə çadırlar qurmağa başlayıblar.
"Operativ Məlumat Mərkəzi-OMM" xəbər verir ki, bu barədə xarici KİV məlumat yayıb.
Məlumata görə, etirazçılar Knez Miloş küçəsində nəqliyyatın hərəkətinə mane olublar. Polis avtomobilləri və ictimai nəqliyyatı istiqamətləndirir və etirazçılara mane olmamağa çalışıb. Müxalifət çadır şəhərciyində 24 saat qalmağı planlaşdırıb. Onlar Dövlət İdarəçilik Nazirliyindən seçki məlumatlarının dərc edilməsi ilə bağlı tələblərinə əməl edəcəyini gözləyirlər.
“Serbiya zorakılığa qarşı” koalisiyasının nümayəndəsi dekabrın 17-də keçirilən parlament və bələdiyyə seçkilərinin nəticələrinin saxtalaşdırıldığını iddia edir. Dekabrın 18-də müxalifət Respublika Seçki Komissiyasının binasında silsilə etiraz aksiyalarına başlayıb. Dekabrın 24-də onlar bələdiyyə administrasiyasının binasına basqın etməyə cəhd ediblər. Polis iğtişaşın qarşısını alıb və 38 nəfəri saxlayıb. Serbiya prezidenti Aleksandar Vucic hücum cəhdini Serbiyanın suverenliyinə hücum kimi qiymətləndirib. Baş nazir Ana Brnabiç bəyan edib ki, Moskva Belqradı mümkün iğtişaşlarla bağlı xəbərdar edib.
