Afət Ziyadqızı
İran İslam İnqilabı Keşikçiləri Korpusunun (SEPAH) rəsmisi müharibənin başa çatması və Hörmüz boğazının gələcək statusu ilə bağlı açıqlamalar verib.
“Operativ Məlumat Mərkəzi – OMM” xəbər verir ki, SEPAH rəsmisi Cavani dövlət televiziyasına bağlı “Gənc Jurnalistlər Klubu”na müsahibəsində mövcud müharibənin yalnız ABŞ ilə əldə olunan razılaşma memorandumu çərçivəsində sona çatmalı olduğunu bildirib.
Cavani Hörmüz boğazının gəmilərin hərəkəti üçün tam açılmasının yalnız ABŞ-nin razılaşma çərçivəsində üzərinə götürdüyü öhdəlikləri tam yerinə yetirməsindən sonra mümkün olacağını qeyd edib.
SEPAH rəsmisi vurğulayıb ki, Hürmüz boğazında tətbiq olunan nizam müharibədən əvvəlki vəziyyətə qayıtmayacaq.
Boğazın gələcək statusuna da toxunan Cavani bildirib ki, Hörmüzün yalnız İran və Oman arasında keçid kimi qiymətləndirilməsi məsələsi müharibənin rəsmən və qəti şəkildə başa çatdığı təsdiqləndikdən sonra müzakirə oluna bilər.
