Türkiyə Təhlükəsizlik Baş İdarəsi tərəfindən verilən rəsmi məlumata görə, Şanlıurfa vilayətinin Siverek rayonunda yerləşən Ahmet Koyuncu Peşə və Texniki Anadolu Liseyində baş verən silahlı hücumla əlaqədar 16 şübhəli saxlanılıb.
Bu barədə “Operativ Məlumat Mərkəzi-OMM” "Haber Global"a istinadən xəbər verir.
"14 aprel 2026-cı ildə Şanlıurfa vilayətinin Siverek rayonundakı Ahmet Koyuncu Peşə və Texniki Anadolu Liseyində baş verən silahlı hücumla bağlı araşdırmalar çərçivəsində 16 şübhəli saxlanılıb. Şübhəlilərə qarşı məhkəmə prosesi davam edir", - deyə açıqlamada bildirilir.
Qeyd edək ki, məktəbdəki silahlı insident zamanı əksəriyyəti şagirdlər olmaqla ümumilikdə 16 nəfər yaralanıb.
