Yaponiyanın hakim "Liberal Demokrat Partiyası"nın (LDP) prezidenti Sanae Takaiçi ölkə parlamentinin aşağı palatasında keçirilən səsvermə nəticəsində baş nazir vəzifəsinə təyin edilib.
“Operativ Məlumat Mərkəzi-OMM” xarici KİV-ə istinadən xəbər verir ki, çərşənbə günü baş tutan səsvermədə Takaiçi kifayət qədər səs toplayaraq ikinci tura ehtiyac qalmadan qələbəsini təmin edib.
Bununla da o, ölkənin icraedici hakimiyyətinin rəhbəri kimi fəaliyyətə başlamaq hüququ qazanıb.
Qeyd edək ki, bu təyinat Yaponiya siyasətində yeni dövrün başlanğıcı kimi qiymətləndirilir. Hakim partiyanın lideri olaraq Takaiçinin hökumət kabinetində mühüm dəyişikliklər edəcəyi gözlənilir.
