"Rusiya Prezidenti Vladimir Putin və KXDR-in dövlət işləri üzrə sədri Kim Çen In İkinci Dünya Müharibəsinin başa çatması ilə bağlı tədbirlərə birlikdə qatılacaqlar. Rusiya güman edir ki, liderlər bundan sonra da ünsiyyətə davam edəcəklər".
"Operativ Məlumat Mərkəzi-OMM" xəbər verir ki, bu sözləri prezidentin köməkçisi Yuri Uşakov deyib.
"Biz bilirik ki, Kim Çen In artıq Çindədir. Sabah Putinlə Kim Çen In paradda, qəbulda bir yerdə olacaqlar. Biz bu iki tədbirdə onların təmaslarının ikitərəfli səviyyədə davam edəcəyindən çıxış edirik", - o deyib.
