Gürcüstanın sabiq lideri Mixeil Saakaşviliyə qarşı yeni cinayət işi açıla bilər.
"Operativ Məlumat Mərkəzi-OMM"xəbər verir ki, bu barədə “Gürcü Arzusu - Demokratik Gürcüstan” partiyasının icraçı katibi Mamuka Mdinaradze məlumat verib.
O deyib ki, Saakaşvilinin büdcə vəsaitlərini öz şəxsi uçuşlarına xərcləməsi ilə bağlı cinayət faktı təsdiqlənib:
“Hər kəsə məlumdur ki, ölkənin birinci şəxsinin çarter reysi ilə uçması cinayətdir və yeni böyük miqyaslı cinayət faktı təsdiqlənib. Hesab edirəm ki, bu, araşdırmaya başlamaq üçün əsas olmalıdır”, - deyə Mdinaradze vurğulayıb.
