“Crocus City Hall”da baş verən terror aktında 143 nəfər həlak olub.

"Operativ Məlumat Mərkəzi-OMM" xəbər verir ki, bu barədə Rusiya Fövqəladə Hallar Nazirliyi məlumat yayıb.

Yenilənmiş siyahı Rusiya Səhiyyə Nazirliyinin məlumatlarına əsaslanır.

Qeyd edək ki, martın 22-də Rusiyanın Moskva vilayətindəki “Crocus City Hall”da terror aktı baş verib. Hadisə nəticəsində 140-a yaxın adam ölüb. Rusiya Prezidenti Vladimir Putin sifarişçilərin və icraçıların tapılaraq cəzalandırılacağını bildirib. İŞİD terror hadisəsi ilə bağlı məsuliyyəti öz üzərinə götürüb.

Türkiyənin aparıcı seysmoloqu Naci Gerur İstanbulda 7,6 bal gücündə zəlzələnin baş verə biləcəyini deyib.

"Operativ Məlumat Mərkəzi-OMM" xəbər verir ki, bu barədə xarici KİV məlumat yayıb.

"Kahramanmaraş zəlzələsi üçün qışqırdıq, qışqırdıq, amma heç kim qulaq asmadı. Biz indi tarixin təkrarlanmasından qorxuruq, yenə eyni şeyi deyirik. Bir gün hər şey bitəcək. Bu böyüklüyündə zəlzələnin Türkiyənin mədəniyyət paytaxtında ən az 90 min binanın dağılmasına səbəb olacağı gözlənilir”, - deyə ekspert bildirib.

İranın xarici işlər naziri Hüseyn Əmir Abdullahian Hörmüz boğazında saxlanılan “MSC Aries” gəmisinin ekipajının sərbəst buraxılacağını bildirib.

"Operativ Məlumat Mərkəzi-OMM" xəbər verir ki, bu barədə RİA Novosti məlumat yayıb.

Türkiyə Prezidenti Rəcəb Tayyib Ərdoğan Niderland Baş naziri Mark Rutte ilə görüşüb.

"Operativ Məlumat Mərkəzi-OMM" xəbər verir ki, bu barədə Türkiyə Prezidentinin Ofisi məlumat yayıb.

Görüş Niderland Baş nazirinin Türkiyəyə səfəri çərçivəsində baş tutub.

Niderland mətbuatı bildirir ki, bu səfərin məqsədi həm də Ruttenin NATO-nun növbəti Baş katibi olmaq üçün Türkiyənin dəstəyini qazanmağa çalışması ilə bağlıdır.

Qeyd edək ki, Niderland Baş naziri bu ilin oktyabrında səlahiyyət müddəti bitəcək hazırkı NATO Baş katibi Yens Stoltenberqin postuna əsas namizəddir. Onun namizədliyinə artıq ABŞ, Almaniya, Böyük Britaniya kimi ölkələr öz dəstəyini ifadə edib.

Türkiyənin İstanbul şəhərində terror aktı törətməkdə ittiham olunan Suriya vətəndaşı Əhlam Əlbaşıra 1794 illik həbs cəzası verilib.

"Operativ Məlumat Mərkəzi-OMM" xəbər verir ki, bu barədə “TRT Haber” məlumat yayıb.

Onun PKK terror təşkilatının sifarişi ilə terror aktını törətdiyi bildirilib.

Qeyd edək ki, 2022-ci ilin noyabr ayında Taksim meydanında törədilmiş terror aktı nəticəsində 6 nəfər həlak olub, 99 nəfər yaralanıb.

İranın Kərəc şəhərində dörd məhkum barəsində çıxarılan edam hökmü icra olunub.

"Operativ Məlumat Mərkəzi-OMM" ir.voanews.com-a istinadən xəbər verir ki, məlumatı İranın İnsan Hüquqları üzrə təşkilatı yayıb.

Məlumata görə, onlar “narkotik maddələrin qanunsuz ticarəti” və “qəsdən adam öldürmək” maddələri ilə mühakimə olunublar.

Bildirilib ki, qətl maddəsi üzrə mühakimə edilmiş Peyman Əzizi adlı şəxs yeniyetmə olub. Onun yetkinlik yaşına çatmayan cinayətkar kimi edam olunduğu qeyd edilib.

İnformasiyaya əsasən, edam olunanlardan biri qadındır. Bu, 2024-cü ildə barəsində ölüm hökmü çıxarılan və edam olunan 5-ci qadındır. 2023-cü ildə İranda 22 qadın edam olunmuşdu. 2010-cu ildən indiyədək ölkə üzrə 215 qadın barəsində çıxarılmış ölüm hökmü icra edilib.

Qeyd olunub ki, 2013-cü ildən 2023-cü ilədək İranda 40-ı uşaq olmaqla, 4829 nəfər edam olunub.

Xatırladaq ki, İranda sonuncu edam hökmü bu il aprelin 23-də reper Tomay Salehi barəsində çıxarılıb. O, 2022-ci ildə İranda keçirilən etiraz aksiyalarının fəal iştirakçılarındandır.