OMM Redaksiyası
Rusiya tərəfindən Ukraynanın paytaxtı Kiyevə və Qara dəniz sahilində yerləşən Odessa şəhərinə endirilən hava zərbələri nəticəsində 13 nəfər yaralanıb.
Bu barədə yerli rəsmilər cümə axşamı səhər saatlarında Telegram mesajlaşma tətbiqində məlumat yayıblar. Hücumlar nəticəsində hər iki şəhərdə binalara ziyan dəyib.
Reuters agentliyinin şahidinə görə, cümə axşamı erkən saatlarda Kiyevdə partlayış səsləri eşidilib.
Paralel olaraq, ABŞ Nümayəndələr Palatası Rusiyaya qarşı sanksiyalar haqqında qanun layihəsini qəbul edib. Aşağı palata 2026-cı il tarixli “Lindsey O. Graham Sanctioning Russia and Iran Act” adlı sənədin lehinə 262, əleyhinə isə 159 səs verib.
Qanun layihəsi ötən ay Senatda 86-11 səs nisbəti ilə qəbul edilmişdi və imzalanması üçün prezident Donald Trampa göndərilib.
Sənəd Rusiya və Ukraynadakı müharibəni dəstəkləyən şəxslərə qarşı ilkin və ikinci dərəcəli sanksiyaların tətbiqini nəzərdə tutur. Sanksiyalar Rusiya rəsmilərini, oliqarxları, onların ailə üzvlərini, xarici şəxsləri, eləcə də Rusiya bankları və maliyyə institutlarını əhatə edir.
