Kremlin sözçüsü Dmitri Peskov, danışıqların üçüncü turunun tarixi ilə bağlı Ukraynadan təklif gözlədiklərini ifadə edib.
"Operativ Məlumat Mərkəzi-OMM" xəbər verir ki, o, bu barədə jurnalistlərə açıqlamasında bildirib.
"Ukrayna ilə danışıqların 3-cü turunun tarixinin müəyyən edilib-edilmədiyi" sualını cavablandıran Peskov, "Ukraynadan danışıqlar tarixi ilə bağlı təklif gözləyirik. Ümid edirik ki, tarix müəyyənləşəcək. Bu, müəyyənləşəndə sizə məlumat verəcəyik" deyib.
Peskov Rusiya və Ukrayna arasında birbaşa danışıqlar prosesi ilə bağlı ABŞ prezidenti Donald Tramp və komandasının təşəbbüslərinə önəm verdiklərini ifadə edib.
