Afət Ziyadqızı
"Rusiya Ukraynadakı hərbi əməliyyat zamanı məqsədlərinə çata bilməyib, lakin fəaliyyətini davam etdirəcək".
"Operativ Məlumat Mərkəzi-OMM" xəbər verir ki, bu barədə Dmitri Peskov brifinqdə açıqlama verib.
Peskov bildirib: “Düzdür, bunlara hələ nail olunmayıb. Əsas məqsəd Ukraynanın şərqində yaşayan və həyatları təhlükə altında olan insanların təhlükəsizliyini təmin etməkdir. Bu əsas məqsəddir, lakin məqsədlərə tam nail olunmayıb, ona görə də XVO fəaliyyətini davam etdirəcək”.
O, bunu Volodimir Zelenskinin Rusiyanın məqsədlərinə çata bilməməsi ilə bağlı açıqlamasına münasibət bildirərkən qeyd edib.
Qeyd edək ki, Rusiya-Ukrayna münaqişəsinin dördüncü ildönümündə Zelenski öz teleqram kanalında Rusiyanın “ukraynalıları sındırıb bu müharibədə qalib gələ bilmədiyini” bildirib. O əlavə edib ki, ukraynalılar ölkəni qoruyub saxlayıblar və sülh və ədalətə nail olmaq üçün əllərindən gələni edəcəklər.
