Azərbaycan ərazisindən tranzit keçməklə Ermənistana Rusiya taxılı daşıyan növbəti yük qatarı bu gün yola düşüb. və “Operativ Məlumat Mərkəzi-OMM”-in məlumatına görə, "Azərbaycan Dəmir Yolları" QSC-nin Biləcəri Dəmiryol Stansiyasından hərəkətə başlayan qatar 7 vaqondan ibarətdir, daşınan taxılın ümumi çəkisi 488 tondur.
Marşrut planına əsasən, qatar Böyük Kəsik Dəmiryol Stansiyasından Gürcüstana keçəcək, oradan isə Ermənistan istiqamətində hərəkətini davam etdirəcək. Xatırladaq ki, sonuncu dəfə martın 11-də eyni marşrutla 1 023 ton taxıl daşıyan 11 vaqondan ibarət yük qatarı yola salınmışdı.
Ümumilikdə, indiyə qədər Rusiyadan Ermənistana Azərbaycandan tranzit keçməklə 23 min tondan çox taxıl, həmçinin 700 tondan çox gübrə göndərilib.
