Rusiya Ukraynanın Odessa şəhərində Rusiyaya qarşı terror aktlarının hazırlandığı obyektlərə raketlərlə cavab hücumu həyata keçirib.
"Operativ Məlumat Mərkəzi-OMM" xarici mediaya istinadən xəbər verir ki, bu barədə Rusiya Müdafiə Nazirliyi açıqlama verib.
Nazirlikdən verilən açıqlamada Nikolayev və Odessa şəhərlərində Ukrayna Silahlı Qüvvələrinin hərbi texnikasını yanacaqla təmin edən təxminən 70 min ton həcmində yanacaq anbarları məhv edildiyi qeyd olunub.
"Bütün planlaşdırılan hədəflər vurulub. Dağıdılan hədəflərdə yanğınlar və partlayışlar baş verib”, - deyə bildirilib.
