Rusiya silahlı qüvvələri Ukraynanın Çasov Yar şəhərini ələ keçirmək üçün irimiqyaslı qoşun yığmağa başlayıb.
"Operativ Məlumat Mərkəzi-OMM" xəbər verir ki, bu barədə Ukrayna hərbi komandanlığının operativ qrupu xəbərdarlıq edib.
Qrupun mətbuat katibi İliya Yevlaş Moskvanın daha sonra Konstantinovka, Kramatorsk və Slavyanska nəzarəti bərpa etməyə çalışdığını deyib.
Şərq cəbhəsində döyüşən ukraynalı tankçılar son bir neçə həftədir ki, artan təzyiqlə qarşılaşdıqlarını bildiriblər.
“Biz 10 mərmi ata bildiyimiz halda, onlar 50 mərmi atırlar. Sursat ehtiyatında bizdən üstündürlər. Bunu danmaq olmaz. Bundan başqa, əsgəri gücləri də üstündür”, - deyə tank batalyonunun komandiri Dmitri vuruğulayıb.
Qeyd edək ki, Rusiya silahlı qüvvələri daha əvvəl - 17 fevralda Avdeyevka şəhərini zəbt ediblər.
Rusiya-Ukrayna müharibəsi artıq 2 ildən çoxdur ki, davam edir. Müharibədə hər iki tərəfdən minlərlə insan ölüb. Son günlərdə Ukraynanın Qərbdən əsgəri dəstək alacağı iddiaları müharibənin hələ uzun müddət davam edəcəyi narahatlığına səbəb olub. Rusiya prezidenti Vladimir Putin Qərb blokuna xəbərdarlıq edərək bunun faciəvi fəsadlara səbəb olacağını deyib.