Moskva İrəvanın Roma Statutuna qoşulmasını tamamilə qeyri-dost addım hesab edir.
"Operativ Məlumat Mərkəzi-OMM" xəbər verir ki, bunu RBC-yə müsahibəsində Rusiya Federasiyası xarici işlər nazirinin müavini Mixail Qaluzin bildirib.
"Biz müttəfiqimiz Ermənistanın Roma Statutuna qoşulmasını tamamilə qeyri-dost addım hesab edirik. Mən burada dialoqa yer görmürəm", - o, nəşrə bildirib.
Rusiya XİN rəhbərinin müavini qeyd edib ki, Rusiya Federasiyası Ermənistanın Roma Əsasnaməsini ratifikasiya etməkdən çəkinəcəyini gözləyirdi.
Xatırladaq ki, oktyabrın 3-də Ermənistan parlamenti Beynəlxalq Cinayət Məhkəməsinin (BCM) Roma Statutunu ratifikasiya edib.
