Rusiya Ayın tədqiqinə başlayır: Daxili quruluşu öyrəniləcək

"Yaxın vaxtlarda Ayda səthində tədqiqat işləri aparılacaq və Ayın daxili quruluşunu öyrənmək üçün lazım olan cihazların hazırlanmasına bu il başlanacaq".

"Operativ Məlumat Mərkəzi-OMM" xəbər verir ki, bu sözləri "Roscosmos"un rəhbəri Dmitriy Bakanov deyib.

Rusiyanın Çinlə birlikdə Ay proqramını inkişaf etdirməyə davam etdiyini qeyd edən Bakanov bildirib ki, bu proqram çərçivəsində ümumilikdə 15 ölkənin bir araya gəlməsi planlaşdırılır.

O vurğulayıb ki, Ayın quruluşu ilə bağlı tədqiqatlar bu il sürətlənəcək:

“Biz onu skan edəcəyik və məlumatları Yerə ötürəcək eniş modulunun dizaynını tamamlayacağıq. 2026-cı ildə Ayın daxili quruluşunu araşdırmaq üçün cihazların hazırlanmasına başlanacaq”.

Qeyd edək ki, "Roscosmos" ilə "China National Space Administration" arasında Ayda tədqiqatlar aparmaq məqsədilə birgə stansiyanın yaradılması barədə 2021-ci ildə memorandum imzalanmışdı.