ABŞ dövlət katibi Marko Rubio Hindistana səfər edib.
“Operativ Məlumat Mərkəzi-OMM” xəbər verir ki, bununla bağlı xarici KİV məlumat yayıb.
Bildirilib ki, Rubionun Hindistanın qərbində yerləşən Mumbay və Camnaqara iki günlük səfəri çərçivəsində hökumət və biznes nümayəndələri ilə görüşləri nəzərdə tutulub.
Səfər zamanı ABŞ dövlət katibinin Hindistanın xarici işlər naziri Subramanyam Cayşankarla, eləcə də dünyanın ən böyük neft emalı şirkətlərindən biri olan "Reliance Industries"in Direktorlar Şurasının sədri, milyarder Mukeş Ambani ilə görüşəcəyi gözlənilir.
Rubio ölkənin maliyyə mərkəzi olan Mumbaya gəlib. Burada onun Cayşankarla görüşü planlaşdırılıb.
Rubio daha əvvəl gömrük rüsumlarının tətbiqinin dayandırılması qərarına təsir edən amillərdən birinin Hindistanın ticarət sazişinin bağlanması istiqamətində göstərdiyi səylər olduğunu bildirib. ABŞ dövlət katibinin sözlərinə görə, Hindistan Rusiyadan neft asılılığını azaltmaqla enerji təchizatını şaxələndirir. Bununla belə, ölkə Rusiyadan gündəlik milyonlarla barel neft almaqda davam edir.
