Dortmund "Borussiya"sının sabiq yarımmüdafiəçisi Marko Roys karyerasını Türkiyədə davam etdirə bilər.

"Operativ Məlumat Mərkəzi-OMM" "Bild"ə istinadən xəbər verir ki, 35 yaşlı futbolçunun xidmətində "Qalatasaray" və "Trabzonspor" klubları maraqlıdır.

Keçən mövsüm Roys bütün turnirlərdə 42 matçda iştirak edib, 9 qol vurub və 10 asist edib.

Mövsüm bitdikdən sonra xavbek Dortmund "Borussiya"sını azad agent kimi tərk edib.

Almaniyada təşkil olunan futbol üzrə Avropa çempionatında 1/4 final mərhələsinin cütləri müəyyənləşib.

"Operativ Məlumat Mərkəzi-OMM" xəbər verir ki, bu gün baş tutan 1/8 final mərhələsinin iki oyunundan sonra 1/ 4 finalda üz-üzə gələcək komandalar dəqiqləşib.

Avropa çempionatı
1/4 final cütləri

İspaniya - Almaniya
Portuqaliya - Fransa
İngiltərə - İsveçrə
Niderland – Türkiyə

Qeyd edək ki, bu raundun qarşılaşmaları 5-6 iyul tarixlərində olacaq. AVRO-2024 iyulun 14-də başa çatacaq.

Almaniyada təşkil olunan futbol üzrə Avropa çempionatında Avstriya və Türkiyə yığmaları arasında 1/8 final görüşü başa çatıb.

"Operativ Məlumat Mərkəzi-OMM" xəbər verir ki, Leyptsiqdəki "Red Bull Arena"da "ay-ulduzlular" qələbə qazanıb - 2:1.

Türkiyə millisinin heyətində 1-ci və 59-cu dəqiqələrdə fərqlənən Merih Demiral dubl müəllifi olub. 66-cı dəqiqədə avstriyalılardan Mixael Qreqoriç yekun hesabı müəyyənləşdirib.

Qələbə qazanan Türkiyə millisi 1/4 finalda Niderlanda rəqib olub.

Almaniyada təşkil olunan futbol üzrə Avropa çempionatında Rumıniya və Niderland yığmaları arasında 1/8 final görüşü başa çatıb.

"Operativ Məlumat Mərkəzi-OMM" xəbər verir ki, Münhendəki "Alyans Arena"da keçirilən matç "narıncılar"ın böyükhesablı qələbəsi ilə yekunlaşıb - 3:0.

Hesabı 20-ci dəqiqədə Qodi Qakpo açıb. 83 və 90+3-cü dəqiqələrdə fərqlənməklə dubl edən Doniell Malen yekun nəticəni müəyyənləşdirib.

1/4 finala yüksələn Niderland yığmasının rəqibi Avstriya - Türkiyə matçının qalibi olacaq.

"Real Madrid" klubunun mərkəz hücumçusu Alvaro Rodriges karyerasını başqa bir İspaniya klubunda davam etdirə bilər.

"Operativ Məlumat Mərkəzi-OMM" xəbər verir ki, bu barədə "Todofichajes" portalı məlumat yayıb.

Mənbənin məlumatına görə, 19 yaşlı uruqvaylı futbolçunun xidmətlərində "Xetafe" klubu maraqlıdır.

Keçid cari transfer pəncərəsində baş verə bilər.

Alvaro ilə "kral" klubu arasında qüvvədə olan müqavilənin müddəti 2027-ci ilin iyun ayının sonunadək nəzərdə tutulub.

"Atletiko" klubunun hücumçusu Joau Feliş "Barselona"dan icarədən qayıdandan sonra karyerasını Portuqaliyada davam etdirə bilər.

"Operativ Məlumat Mərkəzi-OMM" xəbər verir ki, bu barədə "Todofichajes" məlumat yayıb.

Mənbənin məlumatına görə, 24 yaşlı forvardın imzalanmasında "Benfika" klubu maraqlıdır.

Ötən mövsüm Joau İspaniya çempionatında "Barselona" üçün 30 oyun keçirib.

Hücumçu 7 qol vurub və 3 asist edib.