Moldova dövləti İranın pilotsuz uçuş aparatları ilə Azərbaycan ərazisinə endirdiyi zərbələri sərt şəkildə pisləyir.
“Operativ Məlumat Mərkəzi-OMM” xəbər verir ki, bu barədə Moldovanın xarici işlər naziri Mixay Popşoi Bakıda Azərbaycanın XİN başçısı Ceyhun Bayramovla keçirilən birgə mətbuat konfransında bəyanat verib.
Diplomatın sözlərinə görə, rəsmi Kişineu xüsusilə Naxçıvan Muxtar Respublikasında mülki infrastruktura edilən hücumları və dinc əhaliyə vurulan ziyanı qətiyyətlə pisləyir.
Nazir vurğulayıb ki, Moldova Azərbaycan xalqı ilə tam həmrəyliyini ifadə edir, ölkənin suverenliyinə və ərazi bütövlüyünə dəyişməz dəstəyini bir daha təsdiqləyir.
