Qəzza zolağının bombalanmasını mümkün qədər tez dayandırmaq lazımdır. Bu məsələ təkcə regionumuzun məsələsi deyil, bütün bəşəriyyətin məsələsidir. Ona görə də bu məsələnin çox tez həlli tapılmalıdır.
"Operativ Məlumat Mərkəzi-OMM" xəbər verir ki, bunu İran prezidenti İbrahim Rəisi Moskvada Rusiya prezidenti Vladimir Putin ilə görüşündə bildirib.
Rəisi İsrail dövlətinin hərəkətləri səbəbiylə Fələstinli uşaqlar arasında itkilərin təəssüf doğurduğunu vurğulayıb.
Onun sözlərinə görə, ABŞ-ın İsraili dəstəkləməsi faktı da oxşar emosiyalara səbəb olur.
"Beynəlxalq təşkilatlar, insan hüquqlarını müdafiə etməli olan təşkilatlar öz effektivliyini itiriblər. Bu, bütün dünya birliyinin gözü qarşısında baş verir".
