Azərbaycanın əksər bölgələrində qeyri-sabit, yağıntılı hava şəraiti müşahidə olunur. Bəzi ərazilərdə yağıntılar intensiv xarakter daşıyır.
Milli Hidrometeorologiya Xidmətinin mayın 25-i saat 09:00-a olan məlumatına görə, yağıntının miqdarı aşağıdakı kimi qeydə alınıb:
- Zərdab: 71 mm
- Şəki (Kişçay): 69 mm
- Oğuz: 40 mm
- Qax (Sarıbaş): 30 mm
- İsmayıllı və Zaqatala: 29 mm
- Balakən: 24 mm
- Göyçay və Göygöl: 18 mm
- Şahbuz: 16 mm
- Goranboy və Naxçıvan: 14 mm
- Yevlax, Mingəçevir və Naftalan: 13 mm
- Sədərək və Gəncə: 12 mm
- Ağdam və Tərtər: 11 mm
- Kürdəmir və Xaltan: 10 mm
- Qobustan və Qəbələ: 9 mm
- Bakı, Abşeron yarımadası və Şamaxı: 8 mm
- Şərur: 7 mm
- Biləsuvar, Bərdə, Beyləqan, Xızı, Qrız, Şahdağ və Culfa: 6 mm
- Cəlilabad, Sabirabad, Şəmkir və Gədəbəy: 5 mm
- Lerik, Lənkəran, Tovuz və Daşkəsən: 4 mm
- Yardımlı, Ağstafa və Xınalıq: 3 mm
- Quba, İmişli, Xaçmaz, Astara və Ordubad: 2 mm
- Qusar, Şabran, Neftçala, Kəlbəcər, Laçın, Qubadlı, Şuşa, Xankəndi, Xocalı və Füzuli: 1 mm
Bundan əlavə, mayın 24-ü axşam saatlarında bəzi rayonlara dolu düşüb. Belə ki, saat 18:00-18:05 radələrində Şəkinin Baş Zəyzid kəndinə 15-20 mm, Baş Göynük kəndinə 10-15 mm, saat 19:48-19:53 radələrində isə Yardımlıya 21-25 mm diametrində dolu düşdüyü müşahidə edilib.
Ölkənin bəzi ərazilərində şimal-qərb küləyi əsir. Küləyin maksimal sürəti Şahdağda 20 m/s, Daşkəsəndə isə 18 m/s-yə çatır.
