Quterreş İranın Dəməşqdəki konsulluğunun binasına hücumu pisləyib

Birləşmiş Millətlər Təşkilatının (BMT) baş katibi Antonio Quterreş dünən İranın Dəməşqdəki konsulluq binasına edilən hava hücumunu pisləyib.

"Operativ Məlumat Mərkəzi-OMM" xəbər verir ki, bu barədə xarici KİV məlumat yayıb.

Quterreş bütün tərəflərə beynəlxalq hüquq çərçivəsində götürdükləri öhdəliklərə əməl etməyi xatırladıb və mülki şəxslərə, mülki infrastrukturlara hücumların qarşısı alınmalı olduğunu bildirib.

Bütün tərəfləri mötədilliyə çağıran Quterreş bildirib ki, kiçik bir səhv hesablama onsuz da qeyri-sabit olan Suriyada daha böyük münaqişəyə səbəb ola bilər.