Azərbaycanın dövlət başçısı bütün dünya mediasına vermək istədiyi xəbərləri II Şuşa Qlobal Media Forum form vasitəsi ilə ötürdü.
Bu sözləri siyasi şərhçi Zərdüşt Əlizadə "Operativ Məlumat Mərkəzi-OMM"-ə açıqlamasında bildirib.
“Çünki bu, adi praktikadır. Hər kəs burada öz payını götürdü. Həm Ermənistan, həm ABŞ, həm Avropa, həm də İran ilə münasibətlər barədə Prezident öz münasibətini bildirdi. Qaldı ki, Qlobal Media Forum məsələsinə, bu form Azərbaycan üçün elə bir forumdur ki, İlham Əliyev üzünü dünyaya tutub, bizim var olmağımızı sübut edir.
Bu da media forumunun əsas əhəmiyyətidir. Buraya gələn adamlar gördülər ki, Şuşada quruculuq və abadlıq işləri yüksək səviyyədə davam edir. Müsbət bir haldır. Belə tədbiri təşkil etməyə dəyər”, - deyə Z.Əlizadə bildirdi.
