Sumqayıt şəhərində sosial şəbəkə üzərindən təşkil edilən görüş zamanı soyğunçuluq faktı qeydə alınıb.
"Operativ Məlumat Mərkəzi-OMM" Daxili İşlər Nazirliyinə istinadən xəbər verir ki, hadisə şəhər ərazisində baş verib.
Belə ki, zərərçəkən şəxs ümumi dəyəri 3 700 manat olan qızıl-zinət əşyalarını satmaq məqsədilə sosial şəbəkələrdə elan paylaşıb. Elana cavab olaraq naməlum şəxs onunla telefon əlaqəsi saxlayaraq qızılları almaq niyyətində olduğunu bildirib və görüş təyin edilib.
Görüş zamanı şübhəli şəxs qızıl-zinət əşyаларын ələ keçirərək avtomobillə hadisə yerindən uzaqlaşıb.
Sumqayıt Şəhər Polis İdarəsinin 3-cü Polis Bölməsinin əməkdaşlarının keçirdikləri əməliyyat-axtarış tədbirləri nəticəsində soyğunçuluq əməlində şübhəli bilinən 23 yaşlı Ramin Tahirov müəyyən edilərək saxlanılıb.
Faktla bağlı araşdırma aparılır.
