Fələstin prezidenti Mahmud Abbas Qəzza zolağının Fələstin Dövlətinin bir hissəsi olduğunu bəyan edərək, Qəzzada yaşadıqları yerlərə qayıdan fələstinlilərə xidmət göstərməyə başlamaq üçün lazımi planların hazırlandığını bildirib.
"Operativ Məlumat Mərkəzi-OMM" xəbər verir ki, bununla bağlı xarici KİV məlumat yayıb.
Bildirilib ki, Abbas Misirin paytaxtı Qahirədə olub və Ərəb Liqasının Fələstinlə bağlı Fövqəladə Zirvə toplantısında iştirak edib.
O, İraq prezidenti Əbdüllətif Rəşidlə görüşüb.
"Qəzza zolağı Fələstin dövlətinin ərazisinin ayrılmaz hissəsidir. Fələstin dövlətinin digər Fələstin əraziləri kimi Qəzza üzərində də siyasi və hüquqi yurisdiksiyası var. Dünyanın hər yerindən gələn töhfələr ilə Qəzzada yenidənqurmaya hazırlaşırıq. İnsanlarımızın öz yaşayış yerlərinə qayıtması üçün əsas xidmətlərin göstərilməsinə başlanılması üçün lazımi planlar hazırlanıb" , - deyə Mahmud Abbas bildirib.
