Avqust ayında İsrail Müdafiə Qüvvələrinin mülki şəxslərin Qəzza zolağındakı yaşayış məntəqələrini tərk etmələrini tələb edən əmrləri 250 min fələstinlini əhatə edib.

"Operativ Məlumat Mərkəzi-OMM" TASS-a istinadən xəbər verir ki, bu barədə BMT-nin İşğal olunmuş Fələstin Ərazilərindəki Humanitar Məsələlərin Əlaqələndirilməsi İdarəsinin nümayəndəliyi məlumat yayıb.

"Avqustun 21-nə olan məlumata görə, bu ay verilən təxliyə əmrləri 250 minə yaxın Qəzza sakinini əhatə edib", - məlumatda bildirilib.

Avqustun 21-i və 22-də verilmiş üç təxliyə əmri daha 28,5 min insanın didərgin düşməsinə səbəb olub. Beynəlxalq təşkilatın məlumatına görə, onlar anklavda fəaliyyət göstərən 146 qaçqın düşərgəsinə yerləşdiriliblər.

Hesabatın müəllifləri qeyd ediblər ki, təxliyə əmrləri BMT, qeyri-hökumət və humanitar təşkilatların əməkdaşlarından da yan keçməyib.

BMT siyasi zorakılığın istənilən formasını pisləyir.

"Operativ Məlumat Mərkəzi-OMM" xəbər verir ki, bu barədə jurnalistlərə təşkilatın baş katibinin rəsmi nümayəndəsi Stefan Düjarrik Floridada ABŞ prezidentliyinə Respublikaçılar Partiyasından namizəd Donald Trampa sui-qəsd cəhdini şərh edərkən bildirib.

"Əlbəttə, keçmiş prezidentin sağ-salamat olmasına və hüquq-mühafizə orqanlarının çevik addım atmasına şadıq. Biz, əlbəttə ki, istənilən siyasi zorakılığı pisləyirik", - o deyib.

Mərakeş kralı VI Məhəmməd əvvəllər müxtəlif cinayətlərə görə məhkum olunmuş 638 nəfəri əfv edib.

"Operativ Məlumat Mərkəzi-OMM" xəbər verir ki, bu barədə “Maghrib Arab Press” xəbər agentliyi məlumat yayıb.

İsrail Hərbi Hava Qüvvələri Livanın cənub bölgələrinə yeni silsilə hücumlar həyata keçirib.

"Operativ Məlumat Mərkəzi-OMM" xəbər verir ki, bu barədə ordunun mətbuat xidməti məlumat yayıb.

Məlumata görə, onların hədəfi "Hizbullah" hərəkatının hərbi obyektləri olub.

Ordunun məlumatına görə, zərbələr Livanın cənubundakı Blida, Marun er-Ras, Rab-Taliatin və Hovla yaşayış məntəqələri yaxınlığında həyata keçirilib.

Şimali Atlantika Alyansı Rusiyanın nüvə sahəsində Qərb dövlətlərinin reaksiyasını tələb edəcək hər hansı hərəkəti görmür.

"Operativ Məlumat Mərkəzi-OMM" xəbər verir ki, bunu NATO-nun baş katibi Yens Stoltenberq "American Foreign Policy" nəşrinin sualını cavablandırarkən deyib.

“Hələ ki, biz nüvə qüvvələrinin mövqeyində bizim tərəfimizdən dəyişiklik tələb edəcək hər hansı dəyişiklik görməmişik”, - o deyib.

Baş katib vurğulayıb ki, alyans Rusiya Federasiyasının hərəkətlərini yaxından izləyir. O, Ukrayna münaqişəsindən də danışıb. Onun fikrincə, NATO-nun Ukrayna ordusuna dəstəyi alyansı hərbi əməliyyatların iştirakçısına çevirmir.

Almaniya kansleri Olaf Şolz hesab edir ki, Ukraynada sülh prosesinin başlaması üçün imkanları araşdırmaq lazımdır.

"Operativ Məlumat Mərkəzi-OMM" xəbər verir ki, o, Astana səfəri zamanı mətbuata verdiyi açıqlamada Almaniya Federativ Respublikasının Kiyevə dəstəyinin davam edəcəyini bildirib.

"Bizə də aydındır ki, sülh prosesinə başlamaq üçün imkanları daim və davamlı olaraq araşdırmaq lazımdır", - Almaniya Nazirlər Kabinetinin mətbuat xidməti onun sözlərindən sitat gətirib.

Eyni zamanda, federal kansler bir daha Rusiyanı aqressiv hərəkətlərdə ittiham edib və bildirib ki, Moskva, onun fikrincə, istənilən vaxt münaqişənin dayandırılmasına töhfə verə bilər.