Qəzza Səhiyyə Nazirliyi bölgədə yayılan virus barədə açıqlama yayıb.
"Operativ Məlumat Mərkəzi-OMM" xarici KİV-ə istinadən xəbər verir ki, UNICEF ilə birgə olaraq çirkab sulardan götürülən nümunələr üzərində aparılan müayinələrdən sonra minlərlə insanın poliomielit xəstəliyinə yoluxma riskinin olduğu məlum olub.
Virusun bölgədə əsl sağlamlıq fəlakətinin xəbərçisi olduğu deyilib.
Su qıtlığı və kanalizasiya ilə çirklənməsi, tonlarla zibil yığılması və İsrailin təmizlik materiallarının ölkəyə daxil olmasına mane olması səbəbindən əsl sağlamlıq fəlakətinin baş verə biləcəyi xəbərdarlığı edilib.
Bəyanatda İsrailin hücumlarının dərhal dayandırılması, əhalinin təmiz su ilə təmin edilməsi, kanalizasiya xətlərinin təmiri və köçkünlərin məskunlaşdığı yerlərdə əhalinin sıxlığının azaldılması tələb edilib.
