Qəzza zolağında ölənlərin sayı 72 mini keçdi

İsrail ordusunun 2023-cü ilin oktyabrından bəri Qəzza zolağına həyata keçirdiyi hücumlarda həlak olanların sayı 72 312 nəfərə çatıb.

"Operativ Məlumat Mərkəzi-OMM" xəbər verir ki, bununla bağlı xarici KİV məlumat yayıb.

Son 24 saat ərzində Qəzzadakı xəstəxanalara 10 nəfərin meyiti və 44 yaralının gətirildiyi bildirilib.

Qəzzada atəşkəsin qüvvəyə mindiyi 10 oktyabr 2025-ci ildən bəri İsrailin hücumları nəticəsində 733 nəfərin öldüyü, 2 034 nəfərin yaralandığı, dağıntılar altından isə 759 cəsədin çıxarıldığı qeyd olunub.

Bildirilib ki, İsrailin 2023-cü ilin oktyabrından bu yana Qəzza zolağına etdiyi hücumlarda ümumi ölənlərin sayı 72 312-yə, yaralananların sayı isə 172 134-ə yüksəlib.

Qəzza zolağında dağıntılar altında hələ də minlərlə cəsədin olduğu vurğulanır.