"Qəbələ" ilə "Sabah" arasında yoxlama matçı keçirilib.

"Operativ Məlumat Mərkəzi-OMM" xəbər verir ki, qarşılaşma "Bank Respublika Arena"da baş tutub.

Görüş "Qəbələ"nin 2:0 hesablı qələbəsi ilə başa çatıb. Qolları Əyyub Allaş və Bilel Auaşeriya vurublar.

Qeyd edək ki, Azərbaycan Premyer liqasında "Qəbələ" 15 xalla sonuncu pillədədir. Aktivində 40 xal olan "Sabah" çempionatın ikincisidir.

Futbol üzrə Azərbaycan Premyer Liqasını tərk edəcək komanda müəyyənləşib.

"Operativ Məlumat Mərkəzi-OMM" xəbər verir ki, "Qəbələ" elita ilə vidalaşmalı olacaq.

XXXII turda evdə "Kəpəz"ə 0:1 hesabı ilə uduzan "qırmızı-qaralar"ın çempionatda sonuncu-onuncu olacağı dəqiqləşib. Görüşdə yeganə qolu 7-ci dəqiqədə Martins Junior vurub.

"Kəpəz" sona dörd tur qalmış xallarının sayını 34-ə çatdırıb və hələlik 8-ci pilləyə yüksəlib. "Qəbələ"nin 17 xalı var.

Qeyd edək ki, XXXII turun "Neftçi" - "Turan Tovuz" və "Sumqayıt" - "Qarabağ" matçları bu gün keçiriləcək. Tura aprelin 29-da "Zirə" - "Araz-Naxçıvan" görüşü ilə yekun vurulacaq. Ötən gün "Sabah" "Səbail"i iki cavabsız qolla üstələyib.

Bu gün Türkiyə Superliqasında 34-cü turun növbəti oyunları keçirilib.

"Operativ Məlumat Mərkəzi-OMM" xəbər verir ki, günün mərkəzi qarşılaşmasında “Fənərbağça” doğma meydanda “Beşiktaş”ı qəbul edib. İstanbul derbisi "sarı lacivərdlər"in 2:1 hesablı qələbəsi ilə başa çatıb.

Meydan sahiblərinin heyətində 30-cu dəqiqədə Mişi Batşuayi, 69-cu dəqiqədə Can İrfan fərqləniblər.

Qonaqların yeganə qoluna 82-ci dəqiqədə Cenk Tosun imza atıb.

Günün digər görüşlərində isə “Kasımpaşa” “Samsunspor”u 1:0, “Sivasspor” “Konyaspor”u 1:0, “Başakşəhər" “Hatayspor”u 2:1 hesabı ilə üstələyib.

Qeyd edək ki, hazırda "Qalatasaray" 93 xalla turnir cədvəlinə başçılıq edir. "Fənərbağça" isə 89 xalla ikinci pillədə qərarlaşıb.

Bu gün Azərbaycan Premyer Liqasında XXXII tura start verilib.

"Operativ Məlumat Mərkəzi-OMM" xəbər verir ki, açılış oyununda "Sabah" və "Səbail" komandaları üz-üzə gəlib. "Bank Respublika Arena"da keçirilən görüş meydan sahiblərinin 2:0 hesablı qələbəsi ilə yekunlaşıb.

Qolları Con İrazabal və Cesse Sekidika vurub.

Bu nəticədən sonra xallarını 49-a çatdıran "Sabah" turnir cədvəlində üçüncü pilləyə yüksəlib. "Səbail" isə 42 xalla altıncı yerdə qalıb.

Qeyd edək ki, turun digər oyunları aprelin 28-29-da keçiriləcək.

İngiltərə Premyer Liqasında növbəti oyun keçirilib.

"Operativ Məlumat Mərkəzi-OMM" xəbər verir ki, çempionluq mübarizəsi aparan "Mançester Siti" səfərdə "Brayton"la qarşılaşıb. Görüş "şəhərlilər"in 4:0 hesablı qələbəsi ilə yekunlaşıb.

Qolları Kevin De Brüyne (1 qol), Fil Foden (2 qol ) və Xulian Alvares (1 qol) vurub.

Bu nəticədən sonra xallarını 76-ya çatdıran "Mançester Siti" ikinci pilləyə yüksəlib. Turnir cədvəlinə isə 77 xalla "Arsenal" başçılıq edir.

Türkiyə Super Liqasının 34-cü həftəsində keçiriləcək “Fənərbaxça”-“Beşiktaş” derbisinin baş hakimi bəlli olub.

"Operativ Məlumat Mərkəzi-OMM" xəbər verir ki, qarşılaşmanı Volkan Bayarslan idarə edəcək.

Beləliklə, Volkan Bayarslan ikinci dəfə "Fənərbaxça" - "Beşiktaş" derbisini idarə edəcək.

46 yaşlı hakim daha əvvəl 2 oktyabr 2022-ci ildə oynanılan və 0:0 hesabı ilə başa çatan "Beşiktaş" - "Fənərbaxça" derbisinin baş hakimi olub.

Digər tərəfdən, Volkan Bayarslan karyerasında 5-ci dəfə derbi matçında fit çalacaq.

Qeyd edək ki, qarşılaşma aprelin 27-si saat 20:00-da baş tutacaq.