Türkiyədə tarlada yeni doğulmuş körpə tapılıb.
"Operativ Məlumat Mərkəzi-OMM" xəbər verir ki, hadisə Osmaniyyə şəhərində qeydə alınıb. Belə ki, qarğıdalı tarlasında çalışan qadın körpə səsi eşidib.
A.Ş səsin gəldiyi yerə gedərək yeni doğulmuş qız uşağı tapıb və vəziyyəti səlahiyyətlilərə çatdırıb. Hadisə yerinə gələn həkim qrupları körpənin göbək bağının hələ də açıq olduğunu və günəşdən təsirləndiyini müəyyən ediblər.
Hadisə yerində ilkin tibbi yardım göndərildikdən sonra körpə qısa müddətdə Düziçi Dövlət Xəstəxanasına aparılıb. Daha əhatəli müayinələr üçün Osmaniye Dövlət Xəstəxanasına sövq edilən körpənin səhhətinin yaxşı olduğu açıqlanıb.
Səlahiyyətlilər tərəfindən araşdırma başlansa da, körpəni çöldə qoyan şəxs və ya şəxslərin müəyyən edilməsi istiqamətində işlər davam etdirilir.
