Afət Ziyadqızı
Rusiya prezidenti Vladimir Putin Şimali Koreyanın sədri Kim Çen Inla görüşündə İkinci Dünya Müharibəsində Qələbənin ildönümü münasibətilə Pekində keçirilən hərbi paradın və digər təntənəli tədbirlərin parlaq və yüksək səviyyədə keçdiyini bildirib.
"Operativ Məlumat Mərkəzi-OMM"xəbər verir ki, bu barədə ''RİA Novosti'' məlumat yayıb.
"Bütün tədbirlər parlaq, çox yaxşı, yüksək səviyyədə keçdi",- deyə Putin qeyd edib.
Vladimir Putin avqustun 31-dən Çində dördgünlük səfərdədir. Əvvəlcə o, Şanxay Əməkdaşlıq Təşkilatının (ŞƏT) Tyantszin sammitində iştirak edib və toplantı çərçivəsində dünya liderləri ilə bir sıra görüşlər keçirib. Sentyabrın 2-də Rusiya prezidenti Pekindəki Xalq Yığıncaq Salonunda Çin sədri ilə görüşüb. Sentyabrın 3-də Putin militarist Yaponiya üzərində Qələbənin 80 illiyi və İkinci Dünya Müharibəsinin başa çatması şərəfinə keçirilən hərbi paradda iştirak edib.
