Rusiya Prezidenti Vladimir Putin Ukrayna münaqişəsinin sülh yolu ilə həlli üçün real imkanların mövcud olduğunu bildirib.
"Operativ Məlumat Mərkəzi-OMM" xəbər verir ki, bu barədə Putin Şərq İqtisadi Forumunun (VƏF) plenar iclasında çıxışı zamanı danışıb.
Rusiya liderinin sözlərinə görə, sülhün əldə olunması üçün əsas şərt tərəflərin birbaşa razılığa gəlməsidir. O qeyd edib ki, digər ölkələr yalnız dəstək və yardım göstərə bilərlər, lakin problemin həlli birbaşa münaqişəyə cəlb olunmuş Rusiya və Ukraynanın üzərinə düşür.
Putin Ukraynanın müttəfiqi olan və bu məsələdə susmağa üstünlük verən bəzi Qərb ölkələrini beynəlxalq terrorizmdə iştirakçılıqda ittiham edib.
Rusiya prezidenti ABŞ ilə münasibətlərin bərpasında maraqlı olduqlarını da bildirib. Onun sözlərinə görə, bu, Vaşinqtonun atacağı addımlardan asılıdır.
Putin hazırda ABŞ administrasiyası ilə təmasların davam etdiyini və ABŞ Prezidenti Donald Trampın konstruktiv əməkdaşlığa kökləndiyini qeyd edib.
