"Ukraynanın pilotsuz uçuş aparatları ilə həyata keçirdiyi hücum nəticəsində 16 nəfər yaralanıb".
"Operativ Məlumat Mərkəzi-OMM" xəbər verir ki, bu sözləri Rusiyanın Moskva vilayətinin qubernatoru Andrey Vorobyov bildirib.
O, Ukrayna ordusunun Moskvaya qarşı PUA hücumları təşkil etdiyini qeyd edib.
Vorobyovun sözlərinə görə, Jukovskiy şəhərində pilotsuz uçuş aparatlarından biri çoxmərtəbəli yaşayış binasına düşüb.
Hadisədən sonra bina sakinləri təxliyə olunub.
Hücum nəticəsində Lyubertsidə yerləşən idman zalı və sənaye müəssisəsinə ziyan dəyib. Həmçinin Kotelnikidəki ticarət mərkəzində yanğın baş verib.
Vorobyov bildirib ki, hücumlar nəticəsində yaralanan 16 nəfərdən 2-si uşaqdır.
Yaralılara tibbi yardım göstərilir və hücumların nəticələrinin aradan qaldırılması istiqamətində işlər davam etdirilir.
