OMM Redaksiyası
“PSJ” Çempionlar Liqasının bir mövsümündə ilk dörd matçda 20 qol vuran ilk komanda olub. Squawka xəbər verir ki, Paris təmsilçisi bu göstərici ilə turnirin rekordunu müəyyənləşdirib.
Noyabrın 3-də ümumi mərhələnin 4-cü turunda “PSJ” səfərdə “Vilyarreal”ı 6:0 hesabı ilə məğlub edib. Luis Enrikenin komandası turnirin əvvəlki oyunlarında Bratislavanın “Slovan”ını 6:1, “Mançester Siti” və “Barselona”nı isə eyni hesabla — 4:2 yenib.
Əvvəlki rekord “Bavariya”ya məxsus idi. Almaniya klubu 2021/22 mövsümündə Çempionlar Liqasının ilk dörd matçında 17 qol vurmuşdu.
“PSJ” dörd oyunun hamısında qalib gəlib və 12 xal toplayıb.
