"Adana Dəmirspor" portuqaliyalı ulduzu Luis Nanini heyətinə qatıb.
"Operativ Məlumat Mərkəzi-OMM" xəbər verir ki, futbolçu İstanbula gələrək komandanın Boludakı düşərgəsinə qatılmaq üçün yola düşüb.
Karyerasında “Sportinq Lissabon”, “Mançester Yunayted”, “Valensiya” və “Latsio” da çıxış edən portuqaliyalı futbolçu 2015-2016 mövsümündə də “Fənərbaxça” da çıxış edib.
Təcrübəli futbolçu son mövsümü Avstraliyanın “Melburn” komandasında keçirib.
