"İsrailin milli təhlükəsizlik naziri İtamar Ben-Qvir əvvəllər Polşaya girməyə cəhd etmişdi, lakin icazəsi verilməmişdi".
“Operativ Məlumat Mərkəzi-OMM” xəbər verir ki, bu sözləri Polşanın xarici işlər naziri Radoslav Sikorski deyib.
"Bu il o Polşaya gəlməyə çalışdı, amma biz bunu qeyri-mümkün etdik. Hazırda onun girişinə rəsmi qadağa qoyulub", - xarici işlər naziri qeyd edib.
Sikorski həmçinin Ben-Gviri Polşada ictimai asayişə təhlükə yaradan şovinist və narsisist adlandırıb.
Qeyd olunub ki, ötən gün Polşa xarici işlər naziri Daxili İşlər Nazirliyinə Ben-Gvirin Polşaya girişinə rəsmi qadağa qoyulması üçün sorğu göndərib. Elə həmin gün Daxili İşlər və Administrasiya naziri Marçin Kervinski Ben-Gvirin ölkəyə girişinə qadağa qoyulmasını əmr edib.
Bundan əvvəl Polşa Xarici İşlər Nazirliyi İsrailin Varşavadakı müvəqqəti işlər vəkilini Ben-Qvirin Sumud donanmasının saxlanılan Fələstin tərəfdarı fəallarına qarşı hərəkətləri ilə əlaqədar olaraq çağırmışdı.
