OMM Redaksiyası
Son 24 saat ərzində 35-dən çox müxtəlif təyinatlı gəmi Hörmüz boğazından İran Silahlı Qüvvələri ilə koordinasiyalı şəkildə keçid edib. Xarici KİV-ə istinadən yayılan məlumata görə, bu gəmilər arasında neft tankerləri və konteyner daşıyan gəmilər də yer alıb.
Bildirilir ki, İslam İnqilabı Keşikçiləri Korpusunun (SEPAH) Hərbi Dəniz Qüvvələri tərəfindən təhlükəsizlik təminatı və müvafiq icazələr verildikdən sonra gəmilərin boğazdan keçidi təmin olunub. İran tərəfi Fars körfəzi regionunda mövcud olan gərginliyə baxmayaraq, qlobal ticarətin və gəmiçiliyin fasiləsiz davam etməsi üçün təhlükəsiz dəniz marşrutu yaratdığını bəyan edib.
