OMM Redaksiyası
ABŞ ordusu Hörmüz boğazında gündə milyonlarla barel neft daşımaq üçün gizli şəkildə gəmiçilik dəhlizi yaradıb .
“Operativ Məlumat Mərkəzi-OMM” xəbər verir ki, bununla bağlı "Axios" məlumat yayıb.
ABŞ rəsmilərindən biri bildirib ki, artıq iki aydır ki, Hörmüz boğazının cənub gəmiçilik marşrutuna nəzarət edirlər:
"SEPAH müəyyən çətinliklər yarada bilər, lakin boğaza nəzarət etmir. Buna biz nəzarət edirik”, - adı açıqlanmayan rəsmi bildirib.
Mənbələrin məlumatına görə, hazırda boğazdan gündə təxminən 10 milyon barrel neft daşınır. Bu, müharibədən əvvəlki göstəricinin təxminən yarısıdır.
Mənbələr son həftələrdə bəzi gecələr Fars körfəzindən 15-20 milyon barrel neft ixrac edildiyini də bildiriblər.
Məlumata görə, Hörmüz boğazındakı vəziyyəti izləyən əməliyyat qrupu ABŞ-nin Şimali Karolina ştatında yerləşən Fort-Breqq quru qoşunları bazasının qərargahında fəaliyyət göstərir. Qrup əməliyyatlarını Fars körfəzindəki regional tərəfdaşlarla əlaqələndirir.
Mənbələrin sözlərinə görə, hazırda İran hakimiyyəti boğazdakı vəziyyəti yalnız bərpa edilmiş bir neçə radar vasitəsilə, həmçinin SEPAH-a məxsus kiçik sürətli katerlərdəki müşahidəçilər vasitəsilə izləyə bilir.
Qeyd olunub ki, boğazdan neft ixracının həcmi müharibədən əvvəlki səviyyədən aşağı olsa da, bu tədarüklər qlobal neft təchizatına əhəmiyyətli təsir göstərir.
