Polşanın paytaxtı Varşavada minlərlə fermer Ukraynadan idxal edilən ucuz məhsul və Avropa İttifaqının kənd təsərrüfatı siyasətinə etiraz edib.
"Operativ Məlumat Mərkəzi-OMM" xarici KİV-ə istinadən xəbər verir ki, etirazçılar hökuməti Avropa ilə əldə edilən Yaşıl Sazişi tərk etməyə çağırıblar.
Sözügedən saziş iqlim dəyişikliyi ilə mübarizə məqsədilə əldə olunub. Lakin onun şərtləri fermerlərin xərclərini artırıb.
Polşanın baş naziri Donald Tusk fermerlərin qəzəbinin haqlı olduğunu və problemləri həll etmək üçün Brüssellə danışıqlar aparmalı olduqlarını deyib.
Qeyd edək ki, Avropa Komissiyası blokun bir neçə ölkəsində son bir neçə həftədir ki, davam edən aksiyaları yatırmaq məqsədilə fermerlər üçün bir sıra güzəştlər nəzərdə tutur.