ABŞ və Avropa İttifaqı arasında Qrenlandiya ilə bağlı yaranan fikir ayrılıqları səbəbindən Ukraynanın bərpası üçün nəzərdə tutulan 800 milyard dollarlıq planın elanı təxirə salınıb.
“Operativ Məlumat Mərkəzi–OMM” xəbər verir ki, bu barədə “Financial Times” (FT) qəzeti rəsmi mənbələrə istinadən məlumat yayıb.
Nəşrin mənbələrindən birinin bildirdiyinə görə, Ukrayna, Avropa və ABŞ tərəfindən Davosda keçirilən Dünya İqtisadi Forumunda razılaşdırılması planlaşdırılan 800 milyard dollarlıq “rifah planı”nın bu həftə elan olunması baş tutmayıb.
Müəlliflər qeyd edirlər ki, planın imzalanmasının təxirə salınması Vaşinqtonla Avropa paytaxtları arasında mövcud olan dərin fikir ayrılıqları fonunda baş verib.
