"Marsel"in yarımmüdafiəçisi Dimitri Payet Liqa 1-in 34-cü turunun "Lens"ə qarşı oyunundan sonra uzunmüddətli cəza ala bilər.
"Operativ Məlumat Mərkəzi-OMM" xəbər verir ki, bu barədə L'Équipe məlumat yayıb.
Vurğulanıb ki, Payet meydana çıxmazdan əvvəl “Lans”ın köməkçi məşqçisi Yannik Kayuzakı sillələyib. Bu epizod başqalarının gözündən yayınsa da, kameralara tuş gəlib. Eyni zamanda, “Lans”ın baş məşqçisi Frank Eze Payetin nə etdiyini görüb və görüşün baş hakimi Klement Turpinə müraciət edərək “Marsel”in futbolçusunu cəzalandırmaq istəyib.
Ezin müraciətlərinə baxmayaraq, Payet hakim tərəfindən heç bir şəkildə cəzalandırılmayıb.
Bununla belə, işə indi Peşəkar Futbol Liqasının (LFP) intizam komitəsi baxacaq.
Fransa Futbol Federasiyasının nizam-intizam qaydalarına əsasən Payet 4-5 oyunluq cəza ala bilər.
