Ermənistan məhkəməsi bloger Artak Avetisyanın Baş nazir Nikol Paşinyanı “xain” adlandırması ilə bağlı hərəkətlərini zorakılığa çağırışdan xuliqanlıq maddəsinə qədər yenidən təsnif edib.
"Operativ Məlumat Mərkəzi-OMM" xəbər verir ki, bu barədə onun vəkili Ruben Melikyan feysbuk hesabında məlumat verib.
Vəkilin sözlərinə görə, əvvəl “nifrət nitqi” kimi qiymətləndirilən eyni paylaşım indi xuliqanlıq kimi dəyərləndirilir.
Melikyan bildirib ki, Ermənistan Kassasiya Məhkəməsinin bir sıra qərarlarına əsasən, xuliqanlıq maddəsi adətən şəxsi münasibətlər çərçivəsinə aid edilir və siyasi bəyanatlara şamil olunması əvvəlki hüquqi təcrübəyə ziddir.
Onun sözlərinə görə, hazırkı yanaşma siyasi bəyanatların da xuliqanlıq kimi qiymətləndirilməsinə gətirib çıxara bilər.
Qeyd edək ki, Artak Avetisyan Baş nazir Nikol Paşinyanı “xain” adlandırdıqdan sonra saxlanılıb.
Hadisə mayın 12-də Paşinyanın Yerevanın Şenqavit rayonunda seçki kampaniyası zamanı baş verib. Məhkəmə isə mayın 15-də onun barəsində bir ay müddətinə həbs qətimkan tədbiri seçib.
