OMM Redaksiyası
Ermənistanın Baş naziri Nikol Paşinyan İran Prezidenti Məsud Pezeşkianla görüşüb.
“Operativ Məlumat Mərkəzi-OMM” xəbər verir ki, bununla bağlı "Sputnik Armenian" məlumat yayıb.
Bildirib ki, görüş Nyu-Yorkda BMT Baş Assambleyasının 81-ci sessiyası çərçivəsində baş tutub.
Paşinyan Məsud Pezeşkianla görüşündə Ermənistan-İran əməkdaşlığının uğurla inkişaf etdiyini və müxtəlif sahələrdə birgə proqramların həyata keçirildiyini qeyd edib.
Tərəflər ikitərəfli ticarət-iqtisadi əlaqələri və onların genişləndirilməsinə yönəlmiş addımları müzakirə ediblər.
Görüşdə regionda sülh və sabitliyin təmin olunmasının vacibliyi vurğulanıb, həmçinin qarşılıqlı maraq doğuran digər məsələlər ətrafında fikir mübadiləsi aparılıb.
