Ermənistanın Baş naziri Nikol Paşinyan Avropa İttifaqının (Aİ) ölkədəki müşahidə missiyasının yeni rəhbəri Satu Koyvunu qəbul edib.
“Operativ Məlumat Mərkəzi-OMM”-in məlumatına görə, bu barədə yerli KİV Ermənistan Baş nazirinin Aparatının İnformasiya və ictimaiyyətlə əlaqələr departamentinə istinadən xəbər yayıb. Görüşün əsas müzakirə mövzularından biri Ermənistan və Azərbaycan arasında sülh prosesi məsələləri olub.
Görüş zamanı Nikol Paşinyan Ermənistan və Avropa İttifaqı arasında münasibətlərin inkişafının dinamik xarakterini, həmçinin demokratik institutların inkişafı işində Aİ-nin ardıcıl dəstəyini xüsusi vurğulayıb. Qeyd edək ki, Satu Koyvu bu vəzifəyə cari il fevralın 17-də təyin olunub və o, bu postda əvvəlki rəhbər Markus Ritteri əvəzləyib.
