Ermənistanın Baş naziri Nikol Paşinyan Amerika Birləşmiş Ştatlarına işgüzar səfərə yola düşüb.
“Operativ Məlumat Mərkəzi-OMM” xəbər verir ki, bu barədə məlumatı hökumət başçısının mətbuat katibi Nazeli Baqdasaryan sosial şəbəkə hesabında paylaşıb.
Məlumata görə, fevralın 19-da Vaşinqtonda "Sülh Şurası"nın ilk iclası keçiriləcək və Baş nazir həmin tədbirdə iştirak edəcək.
Qeyd edək ki, sözügedən şuranın yaradılması barədə qərar bir müddət əvvəl qəbul edilib.
Xatırladaq ki, 22 yanvar tarixində ABŞ Prezidenti Donald Tramp Davosda "Sülh Şurası"nın nizamnaməsini imzalayaraq onun yaradıldığını elan etmişdi.
Həmin rəsmi mərasimdə Ermənistanın Baş naziri Nikol Paşinyan və Azərbaycan Prezidenti İlham Əliyev də iştirak etmişdilər.
