Azərbaycan parataekvondoçusu Sabir Zeynalov (58 kq) Fransada keçirilən Paris-2024 Yay Paralimpiya Oyunlarında bürünc medal qazanıb.
"Operativ Məlumat Mərkəzi-OMM" xəbər verir ki, K44 kateqoriyasında yer alan idmançı üçüncü yer uğrunda görüşdə tailandlı Thanva Kaenkhamla üz-üzə gəlib.
Rəqibinə 12:3 hesabı ilə qalib gələn idmançımız bürünc mükafata sahib çıxıb.
Qeyd edək ki, bu, Azərbaycanın Paris 2024 Yay Paralimpiya Oyunlarında ilk medalı olub.
Paralimpiada sentyabrın 8-də başa çatacaq.
***
Azərbaycan parataekvondoçusu Sabir Zeynalov Paris-2024 Yay Paralimpiya Oyunlarında yarımfinal görüşünə çıxıb.
"Operativ Məlumat Mərkəzi-OMM" xəbər verir ki, K44 kateqoriyası üzrə 58 kiloqram çəki dərəcəsində çıxış edən idmançı bu mərhələdə türkiyəli Can Özcanla üz-üzə gəlib.
Rəqibinə 18:23 hesabı ilə uduzan Zeynalov bürünc medal uğrunda qarşılaşmada iştirak hüququ qazanıb.
Qeyd edək ki, yarışa sentyabrın 8-də yekun vurulacaq.
***
Azərbaycan parataekvondoçusu Sabir Zeynalov (58 kq) Fransada keçirilən Paris-2024 Yay Paralimpiya Oyunlarında mübarizəyə başlayıb.
"Operativ Məlumat Mərkəzi-OMM" xəbər verir ki, K44 kateqoriyasında yer alan idmançı 1/4 final mərhələsində Yaponiya təmsilçisi Mitsuya Tanaka ilə üz-üzə gəlib.
Rəqibinə qalib gələn (6:5) Zeynalov yarımfinala yüksəlib.
Qeyd edək ki, paralimpiada sentyabrın 8-də başa çatacaq.
