Azərbaycanın sərbəst güləşçisi Hacı Əliyev Fransanın paytaxtı Parisdə təşkil olunan Yay Olimpiya Oyunlarında ikinci görüşünü keçirib.
"Operativ Məlumat Mərkəzi-OMM"-in məlumatına görə, 65 kq çəki dərəcəsində yarışan, üçqat dünya və dördqat Avropa çempionu olan Əliyev 1/4 finalda Macarıstan təmsilçisi İsmail Muszukayevlə mübarizə aparıb.
Görüşdə H.Əliyev rəqibinə 3:10 hesabı ilə məğlub olub. Buna baxmayaraq Hacı medal şansını saxlayıb. Belə ki, Muszukayev finala vəsiqə qazanacağı təqdirdə idmançımız bürünc uğrunda yarışmaq şansı əldə edəcək.
***
Paris-2024-də sərbəst güləş üzrə yarışlar davam edir.
"Operativ Məlumat Mərkəzi-OMM" xəbər verir ki, Rio Olimpiya Oyunlarının bürünc, Tokio-2020-nin gümüş mükafatçısı Hacı Əliyev dəsti tamamlamaq üçün xalçaya çıxıb.
65 kq çəki dərəcəsində yarışan, üçqat dünya və dördqat Avropa çempionu olan Əliyev meksikalı Ostin Qomeslə üz-üzə gəlib.
Rəqibini məğlub edən təmsilçimiz 1/4 finala vəsiqə qazanıb.
