Pakistanın baş naziri Şahbaz Şərifin andiçmə mərasimi keçirilib.
"Operativ Məlumat Mərkəzi-OMM" xarici KİV-ə istinadən xəbər verir ki, o, paytaxt Islamabadda prezident Arif Alvinin iqamətgahında keçirilən mərasimdə ölkənin yeni baş naziri kimi and içib.
Xatırladaq ki, Pakistan parlamenti Müsəlman Liqası Partiyasının lideri Şahbaz Şərifi ölkənin baş naziri seçib.
Milli Məclisin 336 deputatından 201-i ona səs verib.
Şahbaz Şərif daha əvvəl 2022-ci ilin aprelindən 2023-cü ilin avqustuna qədər Pakistan koalisiya hökumətinin baş naziri vəzifəsində çalışıb.
