"İran müharibə zamanı Hörmüz boğazına nəzarət edəcək".
“Operativ Məlumat Mərkəzi-OMM” xəbər verir ki, bu sözləri İran xarici işlər nazirinin müavini Kazem Qəribabadi deyib.
O bildirib ki, İran düşmən dövlətlərin ticarət və ya hərbi gəmilərinin oradan keçməsinə icazə vermək niyyətində deyil.
"Hazırda müharibə vəziyyətindəyik. Bu vəziyyət boğaza nəzarət etmək üçün xüsusi tədbirlər tələb edir. Bu isə artıq qüvvədədir. Bizə qarşı hərəkət edən ölkələrdən ticarət və ya hərbi gəmilərin keçməsinə icazə verməyəcəyik", - nazir müavini qeyd edib.
Qəribabadi boğazın açılması ehtimalından danışarkən əlavə edib ki, İrana qarşı hərbi əməliyyatlar bitənə qədər boğaz bağlı qalacaq.
