Rusiya Federal Təhlükəsizlik Xidməti (FTX) müdafiə müəssisəsinin işi ilə bağlı materialları Ukrayna təhlükəsizlik xidmətlərinə ötürən şəxsi saxlayıb.

"Operativ Məlumat Mərkəzi-OMM" xəbər verir ki, bu barədə xarici KİV məlumat yayıb.

"Federal Təhlükəsizlik Xidməti dövlətə xəyanətdə şübhəli bilinən Omsk sakinini saxlayıb. FTX müəyyən edib ki, saxlanılan şəxs Omsk vilayətindəki müdafiə müəssisələrindən birinin istehsal prosesi ilə bağlı məlumatlar, foto və videomateriallar toplayıb və onları Ukraynaya ötürüb”, - deyə məlumatda bildirilib.

Faktla bağlı cinayət işi açılıb.

FTX istintaq tədbirlərinin davam etdiyini bildirib.

Birləşmiş Ştatlar ölkədə demokratiyaya zərbə vuran və insan haqlarını pozan 64 Gürcüstan vətəndaşına və dövlət məmuruna qarşı sanksiya tətbiq edib.

"Operativ Məlumat Mərkəzi-OMM" xəbər verir ki, bu barədə ABŞ Dövlət Departamentinin mətbuat xidməti məlumat yayıb.

Bildirilir ki, məhdudiyyətlərə məruz qalanlar arasında “gürcü xalqının əsas azadlıqlarını məhdudlaşdırmaq üçün öz səlahiyyətlərindən sui-istifadə edən” yüksək vəzifəli dövlət və bələdiyyə xadimləri də var. Siyahıya korrupsioner biznesmenlər və Gürcüstan parlamentinin üzvləri də daxil edilib.

Dövlət Departamenti Vaşinqtonun respublika hakimiyyətinin antidemokratik hərəkətlərindən narahat olduğunu və yeni sanksiyaları nəzərdən keçirməyə davam edəcəyini vurğulayıb.

İyulun sonunda ABŞ dövlət katibi Antoni Blinken Vaşinqtonun Gürcüstana 95 milyon dollardan çox yardımı dayandırdığını və onun hökumətinin hərəkətlərini Avropa İttifaqı (Aİ) və NATO-ya üzvlüklə bir araya sığmayan hesab etdiyini bildirib. O qeyd edib ki, buna səbəb Tbilisinin "yanlış və antidemokratik bəyanatları" olub.

Türkiyənin Tunceli şəhərində 4.1 maqnitudalı zəlzələ olub.

"Operativ Məlumat Mərkəzi-OMM" xəbər verir ki, bu barədə AFAD məlumat yayıb.

Qeyd edək ki, yerin 7 kilometr dərinliyində baş verən zəlzələdən sonra itki və dağıntılar barədə məlumat verilməyib.

Gürcüstan Azərbaycanla Ermənistan arasında münasibətlərin normallaşması prosesini alqışlayır və regionda sülh və sabitliyin bərqərar olmasında üzərinə düşən vəzifəni yerinə yetirməyə hazırdır.

"Operativ Məlumat Mərkəzi-OMM"  Gürcüstan mətbuatına istinadən xəbər verir ki, bunu ölkənin baş naziri İrakli Kobaxidze Tbilisidə erməni həmkarı Nikol Paşinyanla birgə keçirdiyi brifinqdə deyib.

“Gürcüstan Cənubi Qafqazda sabitliyi və sülh şəraitində birgə yaşayışı dəstəkləyir. Tbilisi həmçinin İrəvan və Bakı arasında sülh prosesini də alqışlayır”, - Gürcüstanın baş naziri bildirib.

Tbilisidə Gürcüstanın Baş naziri İrakli Kobaxidze ilə ölkəyə işgüzar səfərə gələn Ermənistan hökumətinin başçısı Nikol Paşinyan arasında görüş başlayıb.

 "Operativ Məlumat Mərkəzi-OMM" xəbər verir ki, təkbətək görüş Paşinyanın rəsmi qarşılanma mərasimindən sonra başlayıb.

Daha sonra geniş tərkibdə danışıqlar aparılacaq, bundan sonra isə tərəflərin mətbuata bəyanatlarla çıxışı gözlənilir.

Türkiyə Silahlı Qüvvələri İraqın şimalında yeni əməliyyat keçirib.

"Operativ Məlumat Mərkəzi-OMM" xəbər verir ki, bu barədə Türkiyə Milli Müdafiə Nazirliyindən bildirilib.

Qeyd olunub ki, əməliyyat nəticəsində Asos bölgəsində 4, Pənçə- Kilit bölgəsində 2 PKK terrorçusu öldürülüb.

Nazirlikdən vurğulanıb ki, terrorçulara qarşı mübarizə davam edir.